Pêşgotin:

Sûrîyan hêvî dikir ku dawîya rejîma dîktatorî ya Beşar Esed dê bibe destpêkek ji bo avakirina sîstemeke siyasî ya piralî û demokratîk li welêt. Lêbelê, hatina desthilatdariyekê bi paşxaneyeke cîhadîst a selefî, ku li ser gelê Suriya yê, hatibû ferzkirin û yekdestkirina desthlatdariya de facto bi her sê desthilatan – cîbicîkar, yasadanîn û dadwerî – bi rêya tiştê ku jê re dihat gotin “”îlana destûrî”  .Hewldana bindestkirin û terorîzekirina civaka Sûriyeyê, tevî pêkanîna komkujiyên mezhebî li deverên peravê û li Siwêdayê, hemî piştrast dike ku desthilatdariya  de facto  ya  niha ber bi, desthilatdariyeke totalîter, “Sultanî” ku li ser bingeha serdestiyê ava buye, ve diçe, berjewendî û nasnameya gelê Sûriyeyê û hewcedariya dewlet, civak û siyasetê ji bo peymaneke neteweyî ya nû ku dewleta neteweyî ya modern û demokratîk ava dike, paşguh dike.

Em, di Bloka Niştimanî ya Sûrî û Partiya Destûrî ya Sûrî (Hds) de, li ser bingeha baweriyeke xurt ku di vê qonaxê de ya ku bangên olî û mezhebî beşek mezin ji gotûbêjên siyasî û medyayî serdest dikin û bangên bi wan re ji bo mezhebîkirina rejîma desthilatdar, an parçekirin, an federalîzma bi zorê, berpirsiyariya siyasî û exlaqî li ser me  ferz di ke, Em ji bo çêkirina komek prensîban xebitîn, ku wekî xetên sor ji bo xebat û têkoşîna me ya hevbeş a neteweyî-siyasî xizmet dikin. Em pabendbûna xwe ya tevahî bi wan re û bicîhanîna bernameyên siyasî, gavên tifaqê û destpêşxeriyên neteweyî yên ku ew ferz dikin radigihînin.

Xetên Sor ên Neteweyî

1- Yekîtiya Dewlet û Axê: Her binpêkirina yekîtiya erdnîgarî û siyasî ya Sûriyeyê xiyaneteke mezin a neteweyî ye. Parçekirin, federalîzasyona bi zorê, an qebûlkirina her dagirkeriyeke biyanî û mafê gelê Sûriyeyê – li gorî biryarên Neteweyên Yekbûyî – ku bi hemû rê û rêbazan li dijî wan bisekine , xetên sor ên ku nayên guftûgokirin in.

2- Nasnameye neteweyî ya yekgirtî: Hemwelatîbûna tam û wekhev bingeha yekane ya aîdiyetê ye û her hewldanek ji bo ferzkirina nasnameyeke mezhebî an neteweyî li ser hesabê nasnameya yekgirtî ya Sûriyeyê bi awayekî kategorîk tê redkirin.

3- Redkirina zorbazî û desthilatdariya totalîter: Di pêşeroja Sûriyeyê de cih ji bo ji nû ve avakirina desthilatdariya takekesî an ewlehiyê tune ye û her desthilatdarî an zorbazîyek ku di bin dirûşmeyên neteweperestî an olî de were veşartin bi tevahî tê redkirin.

4- Redkirina tundrewî û terorîzmê: Krîmînalîzekirina rêxistinên mezhebî û tekfîrî bi hemû şêweyên wan û hesibandina wan wekî dijminekî netewyî, û her wiha her rêxistinek li ser bingeha mezhebî, nemaze yên çekdarî,  Bi kesên ku ol an mezhebê ji bo parçekirina Sûriyê û Sûriyan bikar tînin re ti lihevkirinek çênabe.

5- Edaleta Veguhêz: Bêcezatî nayê qebûlkirin û divê hemû kesên ku sûcên şer an sûcên li dijî mirovahiyê kirine hesab bidin. Lihevhatina neteweyî ne li ser jibîrkirin an tawîzan, lê li ser rastî, edalet û telafîkirinê ava dibe.

6- Mafên mirovan û azadiyên giştî: Her sîstema siyasî ku rûmet û azadiya welatiyan û azadiya raman, derbirîn û baweriyê garantî neke, bi tevahî tê redkirin.

7- Pabendbûna bi serxwebûna neteweyî: Redkirina girêdayîbûna bi projeyên herêmî û navneteweyî yên ku zirarê didin berjewendiyên neteweyî. Her kesê ku li gorî van projeyan dixebite, xwe li derveyî rewatiya neteweyî datîne.

8- Çareseriya siyasî û peymana neteweyî: Ji bo ti desthilatdariyek ku ji deriyê peymana neteweyî, hilbijartinên azad û adil û destûrek ku ji aliyê Sûriyan ve ji bo referandûmê ne wê pêşkêşkirin, derbas nebe, rewabûn tune ye.

9- Edaleta civakî: Redkirina talankirin û yekdestdarkirina dewlemendiya neteweyî û îsrafa sektora giştî ku aîdî gelê Sûriyeyê ye. Nûavakirin ne xenîmeta şer e ji bo desthilatdaran, an xelatek ji bo wane, lê belê mafek dadperwer û wekhev e ji bo Sûriyan.